8 Desember 1904 | Ellie van Rooy gebore

Ds_Jacs_van_Rooy_en_sy_vrou,_Elsje_Kruger,_met_hul_oudste_drie_kinders_in_die_tyd_dat_hy_predikant_van_Ventersburg_se_Gereformeerde_kerk_was.jpg

Ellie van Rooy, haar man, ds. Jacs, en hul drie kinders: Koos, Martie en Brechtje.

Moeder van geliefde prof. Koos van Rooy

Ellie van Rooy was van 1929 tot haar dood in die ouderdom van 36 jaar predikantsvrou van die Gereformeerde Kerk Ventersburg, waar haar man, ds. Jacs van Rooy, van 1928 tot 1942 gearbei het.

Elsje Petronella Elizabeth Maria Kruger Ellie Kruger is moontlik nie op die plaas Bamboeshoek in die distrik Molteno, Kaapkolonie, gebore nie, maar in die Trompsburgse distrik in die Oranje-Vrystaat. Die grootste deel van haar kinderjare het sy op die plaas Broekpoort in die distrik Bethulie opgegroei. Reeds op negejarige leeftyd het sy haar moeder verloor en moes sy as weeskind by haar broer en susters inwoon.

Op 17 Julie 1929 is sy op Bethulie getroud met ds. J.A. (Jacs) van Rooy, wat die jaar vantevore in sy eerste gemeente, Ventersburg, bevestig is. Drie kinders is uit dié huwelik gebore: Jacobus (Koos, 1932), Martie (1933) en Brechtje (1937).

Breggie en Martie het met die Lemmer-broers van Outjo getrou, Martie met Gerrie en Breggie met Louwtjie. Martie en Breggie was onderskeidelik musiekonderwyseresse aan die Laerskool en Hoërskool Outjo. Albei was ook orreliste: Martie in die NG kerk en Breggie in die Gereformeerde kerk.

Mev. Van Rooy het dadelik haar plek in die gemeente met roepingsbewustheid aanvaar. As jong predikantsvrou het sy sterk onder leiding en invloed gestaan van haar skoonmoeder, Brechtje van Rooy, eggenote van ds. J.A. van Rooy van die Bethulie.

Sy was nederig en beskeie, maar hiermee het bekwaamheid en deursettingsvermoë gepaardgegaan. In die sustersvereniging het sy intens belanggestel en het met haar man baie gesels oor die verlange van die susters om in breër verband saam te werk.

Op ’n gesamentlike konferensie van diakens en susters op Theunissen in 1935 het sy, terwyl die susters apart vergader het, die gedagte van samewerking na vore gestoot. Hierop het gevolg dat drie predikante met hul vroue en nog ’n suster saam beraadslaag het om ’n oplossing te kry.

’n Ontmoeting van die verteenwoordigers van die OVS en die Algemene Gereformeerde Sustersvereniging het op Potchefstroom plaasgevind en so is die eerste Kongres van Uniale formaat van stapel gestuur.

Ellie van Rooy was die instrument waardeur ’n brug geslaan en toenadering moontlik gemaak is. Op die kongres van Reddersburg, 6 Desember 1936, is sy tot lid van die Uniale Bestuur van die Bond van Gereformeerde Sustersvereniging verkies. Plaaslik op Ventersburg was sy voorsitster van die Dorkasvereniging en van die Gereformeerde Sustersvereniging.

Op 22 Februarie 1941 is sy in die bloei van haar lewe ná ’n hartaanval skielik op Ventersburg oorlede.

Ida Bosman beskryf haar in Die Gereformeerde Vrou 1859–1959 as ’n baie beminde persoon, ’n saggeaarde en liefdevolle vrou.

Ná haar dood is haar man op 27 Februarie 1943 op Pietersburg getroud met Susanna Elizabeth (Sannie) Cloete (gebore op Soekmekaar, 5 Januarie 1919), ’n dogter van oudl. Kootjie Cloete.

Uit hierdie huwelik is gebore Jacobus Philippus Benjamin (1944), Louisa Aletta (1945), Susan (1947), Tinus (1948), Pat (1949) en Johannes Cornelis (1956) en nog ’n kind, wat in Suidwes-Afrika oorlede en in Windhoek begrawe is.

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s